top of page
Tapa kaminda (Caprimulgus cayennensis). Otro para ku hopi hende no konosé òf ku nunka no a yega di mira djaserka. Su nòmber “Tapa kaminda” ta un nòmber ku hende a dun'é komo ku e ta un para ku hopi be ta drumi riba un kaminda, tapando esaki.
E ta kome insekto. Na banda di su pik, e tin un kantidat di kabei duru ku ta yud'é fangu e insektonan.
Anochi bo sa topa nan drumí riba kaminda.
E no tin masha molèster pa traha su nèshi. E ta trah'é abou na suela, bou di kualke palu. E yunan ta nase abou na suela i einan e ta kria nan.
Bo mester paga masha bon tinu pa bo deskubrí un “Tapa kaminda”.
bottom of page