top of page
Barika Hel (Coereba flaveolus), ta un di e paranan mas popular na Kòrsou.
Hopi tribí, den sentido ku e ta drenta tur kaminda den kas, buskando kuminda of algu di bebe i si e haña un lugá na su smak den bo kas, e ta traha su nèshi einan, sin import'é ku e ta stroba si of nò. Tur aña di nobo e ta bin pa traha su nèshi na e mesun lugá.
Barika Hel ta gusta suku, i tin hende ta malkriá nan di e forma akí, poniendo tur dia un poko di suku den un skalchi, kaminda masha hopi barika hel ta bin disfrutá di e loke ku nan ta gusta masha, ku ta suku.
Tur dia, e barika helnan ku sa di e trit aki, ta bisa otronan i tur dia e kantidat di barika helnan ta oumentá.
De bes en kuando bo por topa ku un mutashon straño, kolónan ku no ta kuadra ku e kolónan tradisional di e Barika hel, manera esun aki.
bottom of page