Halsband (Psitacula krameri). E Prikichi aki a skapa for di kouchi di un kriadó. El a bai biba den un hòfi na Piskadera i forma un grupo chiki den e palunan di e hòfi. E ta un Prikichi kompletamente bèrdè i e machu tin un renchi ros ku pretu rònt di su garganta. Pa e motibu ei su nòmber ta Halsband parkiet. Pa un motibu òf otro nan nó a propagá tantu na Kòrsou. Na Ulanda i na Merka nan a propagá masha hopi i ta forma un molèster pa kriadónan di palu di fruta.